Cham Muslim-Jalan kabak tehua dalam hediwk dan Iman Cham

Southern, CA- Mung herai 11 bilan 9 tehun 2009, Infocusnews.net ho meyai rurng Cham dhok Santa Ana. Dalam rurng raw ni ho meyai mung orang kong angan Osman ho doik tebiak mung pelai Ko mung tehun Pol Pot chap pedzurm toang pematai meknosia pok pelai dan adei saai miwk wa di git.

Osman ho khan Abdussalam Mohamed, urak (yak) ni orang ngak bruk dalam infocusnews laik, git doik tepiak mung pelai Ko naw nagan Thai dhok ho hetahon, beloh doik tepa naw nagan Phillipines dhok ho hetahon dalaw mung tepa mai nagan America dan nagan America ho tedul git dalam angan orang Hijrah (menus doik kelak nagan aing kayua sebab mesaroh gawk).

Mung tehun 1980, Santa Ana ho 15 Maghom (Families) Cham min. Hedom maghom Cham nan ho dhong Osman nan duah hediwk ka nyo. Osman nan ho chehurh chehai dalam tai kong ho bhoah Cham dan ho dhong git. Tehon 1980 hedom gerusa (maghom) nan petoam gawk semiang dalam sang di orang, metak nan hedom hedom gerusa Cham nan pe tabiak jen (money) pah ho hasa apartment. Hedai mung nan, Cham Santa Ana ho tebhuak hong Cham dhok lebik kerai kerai ghaik dan ho pedergh pehong nan mai petoam gawk dhok Santa Ana. Cham dhok lebik kerai ho mai, keyua yaw nan yurh Santa Ana urak ni ho lo jiang 120 gerusa Cham.

Cham derai dhok di Santa Ana lo lo oh mada ho ilmo gah donya, lo lo nan ho ilmo gah ogama min. Mada ha orang angan Ibn Idris nan yerh heorang min kong ngak po kakkia (business) dalam community Cham dhok di lebik nan. Infocusnews ho meyai tehim naw gaik rurng kedak kediang dalam pok pelai Cham dhok Santa Ana, nan yerh anurk tacho naw toak diwk pesang ogama chehong mung Islam. Urak ni 65% kemai Cham lekhah naw pak Orang kerai mung Bangsa Cham. Ong ong hoik yaw nan ngak Cham lehiwk sit sit naw dan lewik naw nan Cham lehiwk abih. Ong ong ho khan gaik laik anurk tacho kong toak orang kerai mung ogama Islam nan ong ong ho pelikhah berai nyo oh, melinkan orang nan chhauk tamu Islam telaw ka.

Imam Salim Ghazali ho ba Infocusnews reporter tamurgh lebik apartment kong ho lo pehong Cham dhok nan. Dalam hasa apartment nan ho orang angan Ahmad Ismael, nan yerh orang kong mai Santa Ana delaw orang pebih. Urak (Yakni) ni, ong Ahmad Umor lo yerh dan ruak lo jenih gaik. Ong Ahmad dhok di sang min ho naw meda ngak bhueng hegik oh, keyua ong ho stroke limur tehun telawmai yurh.

Abdussalam, orang murk rurng raw ho laik: the most impressive trait of the Cham people is the way they accept their fate with a smile and take whatever it has in store for them. May it be war, poverty, suffering, death of loved ones, nothing stops them from accepting destiny with open arms.

Khin baik rurng raw ni abih cheturk lepik ni: Chamaroundtheworld/ChamMuslim_Infocusnews/ChamMuslim_JourneyofFaith_Infocusnews.pdf

oleh Salamah Kieu

09-11-09